“Ou te iloa o le Pulega o Uafu a Samoa, ua silia ma le 30 miliona tala le aitalafu ua i ai le taimi nei,” o lana saunoaga lea.
O le Minisita Fa’aolioli a le Tautua, Susuga Lealailepule Rimoni Aiafi, ua ia tuuaia le Malo i le faaaluina o le faitau miliona tala o tupe mo le Pulega o Uafu a Samoa, le (S.P.A.)
O loo tuuaia nei e le Sui o le Palemene mai le Itumalo a Faleata i Sisifo e faapea o loo nofo aitalafu le Pulega o Vaa a Samoa i le silia lea ma le $30 miliona tala, i le tele o atinae soonafai ae leai se aoga, lea e aofia ai le Uafu a Satitoa o loo i ai nei.
“O le a le mea o le a fai i lea tupe ua faaaluina,” o le saunoaga lea a Lealailepule. “ O le mea tonu lava lea o loo matou tuitui atu ai, ona o nei atinae, ua le faamanuiaina ma aoga. O le taimi nei, o le a ua e vaai i se ata faataatia. Ua peiseai ua na o le lafoaina lava ese o le faitau miliona tala i le sami.
” Na saunoa Lealailepule i le Samoa Observer e faapea, na ia maua ain i lipoti o le taitaia lea o Uafu ma tatau ona aveese mai le Pulega o Uafu a Samoa ma tuuina atu i le Faalapotopotoga o Vaa a Samoa, le Samoa Shipping Corporation (S.S.C).
Ua faitau fia miliona tala tupe a le Malo ua in magoto i le vasa loloa,” o lana faamatalaga lea. Na faafesootai le Ofisa Sili o le Pulega o Uafu a Samoa, Tufuga Tagaloa Tufuga mo sana faamatalaga. Ae peitai, na saunoa Leala, e tatau i le malo ona silasila totoa i le faitau aofai o le tupe ua faamaimauina e le Pulega o Uafu a Samoa i lalo o le taitaiga a le Pulega.
O le tulaga lea na ala ai ona matou tuitui atu ma faamanatu atu pea i le tele o tausaga ua alu, ina ia silisili loloto mo se isi galuega fou ma le atinaeina lelei o le atunuu, ao lei faatinoina ni galuega. “Silasila la i ai, o fea o i ai i le taimi nei, o le a le tulaga ma le faafitauli ua aliae mai.?
Mai se faaiuga o le faamaimauina o nei tuoe, saunoa ai Leala o le mea moni lava ua leai ma se tupe o toe totoe i le Pulega i le taimi nei.
O le mafuaaga lena ua toe taunapa ai i le Malo mo le toe faaleleia o lea tulaga.
“O gaioiga nei a le Malo, o le o taumafai le Pulega mo atinaega mo i latou,” o lana saunoaga lea. O loo tuuaia e le Sui Faipule e faapea e le i manao le Faalapotopotoga o Vaa a Samoa, e taitaia ni uafu se lua.
“Sa faatino foi e le Faalapotopotoga o Vaa a Samoa se leleiga ma se atinae lelei, ae le gata i lea, o ni tiute maeaea ma lelei.” Saunoa Leala, o le Pulega ma le Aufaigaluega a le Pulega o Uafu a Samoa, sa tatau i ai latou ona latou faaeteete i tulaga.”
“O le tulaga aupito i sili lea e ala ai lava ona matou pisapisa soo ma matou faitioina atinae soonafai ae leai se aoga, o le foi le mea ua tulai i le taimi nei, ua foliga mai e nao le togi ma lafo o faitau miliona tala o tupe i le vasa loloa ma magoto ai, ae leai se aoga mo le atinaeina o le atunuu.”
Na ia faapea mai ua matua le aoga ma lusi le fia miliona ta, o le soona faaalu le malamalama, leai se faaeteetega sa latou faatinoina i le taimi ua tuanai.
“O le taimi nei, o le mea moni lava, e le o iloa e le Malo le mea o loo tuuina mai ai nei tupe, lea e faatino ai nei galuega.”
TAUSAGA TALU AI
O tala fou o le toe faatuina o le paoa mai le pulega i le faalapotopotoga o loo mulimuli mai lea na faatino i le tausaga talu ai, i le va o le feagaiga mai le malo i le tausaga talu e faapea o uafu ua aoga tele.
I le masina o Setema, na puipuia ai e le Minisita o Galuega, Felauaiga ma Galuega tetele, Manualesagalala, Enokati Posala le fuafuaga a le Malo, ina ia faatumauina le faitau miliona tala o tupe mo le uafu o loo i Satitoa.
Na fesiligia afai o le a tulai mai le uafu i se tulaga lelei, ma toe faaopoopoina se isi tupe te faafaigaluega talu mai nei tulaga faigata ua faatino, na saunoa mai le Minisita o lea lava. Na ia faamataina, afai o le a lelei tulaga uma, ona avea lea o le uafu a Satitoa ma se vaega taua o fuafuaga a le Malo, ma se atinae lelei mo le lumanai o tagata Aleipata.
O le faamoemoe o le Malo mo lenei uafu, o tupe teu faafaigaluega mo le aufaifaiva ma isi auaunaga e aofia ai vaa fagota, e pei ona ia taua i le Samoa Observer.
‘ Ae le gata i lea o le taua o a tatou atinaega mo turisi ma ia mautinoa lelei o loo tatou taumafai foi e faatosina mai Tutuila iinei.” Mai lena taimi, ua faataatia ese nei e le Minisita nei lipoti e faapea ua le toe faaogaina nei lenei uafu.
Ae peitai, na ia faamaonia mai e faapea o faigalamalaga a le Lady Naomi mo Amerika Samoa, ua le toe faaogaina le uafu i Aleipata. “Na faamalosia e le Faalapotopotoga e na o le tasi lava i le vaiaso o le malaga, i le va o Samoa e lua, ona faaitiitiga foi tagata femalagaai,” na ia taua nei faamatalaga.
“Mo le tulaga tau tamaoaiga ma femalagaiga i va o le mamalu o le atunuu, ua matou fuafuaina le faaogaina o le uafu i Matautu mo le taimi nei. Saunoa Manualesagalala e faapea, ua tuuina atu nei galuega i le Faalapotopotoga o Vaa a Samoa ae o le a faaauau pea ona vaaia e le Pulega o Uafu a Samoa le uafu. E le i mafai ona faafesootai atu Manualesagalala mo se faamatalaga o lea lipoti.
VAIASO NEI
O le vaiaso lenei, na saunoa ai Lealailepule e faapea ua ave le latou faamuamua i le malu puipuia o lea paoa i le nofoaiga muamua a le Palemene i lenei tausaga. Na ia saunoa foi o faafitauli o loo i le Pulega o Uafu a Samoa ma le pulega muamua, lea e le o nofoia i le taimi nei. “na fesiligia foi e Leala le galuega o se tasi o vaa ua faaigoaina o le “One Dollar Boat” lea e faasino i le “Floating Restaurant” lea na magoto e lalata lea i Aleipata.
O se tasi o faataitaiga o tupe faaalu, ua ia saunoa ai, sa i ai le vaa ua taua o le “The Palolo, lea e faitau miliona tala foi le tupe na faaaluina ai, saunoa Leala, o le vaa foi lena na goto i Mulifanu.
Ao faaaluina ai le tele o tupe mo nei mau galuega, saunoa Leala e tatau i le Pulega ona mafaufau loloto i le tele o galuega ma e tatau ona faatino ni atinaega lelei mo le faatumauina o lelei atoatoa o uafu a Samoa. - Faatasi ai ma nisi o lipoti mai i a Jasmine Netzler