Quantcast
Channel: Samoa Observer - local news, reviews & opinion on Samoa, business, sports, movies, travel, books, jobs, education, real estate, cars & more at ...
Viewing all articles
Browse latest Browse all 2664

Fuafuaga tau-fa’asese a le Malo

$
0
0

Palusalue Fa’apo IIUa tu’ua’ia e le Ta’ita’i o le Vaega a le Tautua Samoa, o Palusalue Fa’apo II, le Ali’i Palemia, Tuila’epa Sa’ilele Malielegaoi ma lana faigamalo, ona o le fa’aaogaina o fuafuaga taufa’asese e maua ai tupe.

{googleAds}

<script async src="http://www.samoaobserver.ws///pagead2.googlesyndication.com/pagead/js/adsbygoogle.js"></script>
<!-- ads-articles(24.03.14) -->
<ins class="adsbygoogle"
style="display:inline-block;width:336px;height:280px"
data-ad-client="ca-pub-9419815128221199"
data-ad-slot="2395638412"></ins>
<script>
(adsbygoogle = window.adsbygoogle || []).push({});
</script>

{/googleAds}

O lea tu’ua’iga na faia i le fonotaga ta’i-vaiaso a le Vaega Fa’aUpufai ma Tusitala ma le ‘Au-fa’asalalau, lea fo’i na fa’aaogaina ai le avanoa e talosagaina ai le malo, e soia le fa’aaogaina o tagata e fai ma maunu e tau fa’amaonia ai a latou fuafuaga ina ia maua mai ai tupe.

Na fa’aalia fo’i le finagalo o Palusalue i lafoga fa’aopoopo mo ‘ava-malosi, tapa’a ma mea-inu suamalie. Ui e ioeina e Palu ma le Vaega a le Tautua le faia o ‘auala e tu’u-itiitia ai le fa’aaogaina o ia oloa mo le tausiga o le soifua maloloina, peita’i na faitioina lava e Palusalue le ‘auala ua fa’aaoga e aoina ai tupe nei ma le vaega fo’i o lo’o fa’aaoga iai.

“I lo’u manatu, o tupe e maua mai lafoga nei, e tatau ona alu sa’o lava i taumafaiga e fa’aleleia ai le soifua maloloina o le atunu’u,” o lana saunoaga lea.

“Peita’i e le fa’apena. Tatou te le o iloa po’o fea lea e alu iai le tupe lea, ae po’o le a fo’i le mea o fa’aaoga iai.”

O lo’o i Farani le Ali’i Palemia ua le maua ai se feso’ota’iga ananafi mo sona finagalo i lea mata’upu.

Ae na ta’ua e le Ta’ita’i o le Itu Agai, e le misi se tausaga ma se si’itaga o tau o oloa nei, o le pia, sikaleti ma vai-inu suamalie.

“O le tali lava lea a le malo, e fa’apea mai o lo’o taumafai e fa’aitiitia le tula’i mai pea o fa’ama’i le-pipisi,” o lana saunoaga lea.

“E matua pepelo a le mea lea. O le mea moni lava, ua latou fa’aaoga le mea lea e si’itia ai tupe-maua ma maua ai se tali lelei e faigofie ona talia ai e tagata o oloa nei.”

Na ta’ua e Palu, e tau-fa’asese tele lea faiga. Ma fa’aopopo mai fo’i, e ‘ese le mea lea e fa’aalu ai seleni nei.

“O lafoga nei o lo’o fa’aaogaina e le malo o se faiga e maua ai tupe.

E matua tau-fa’asese lava. E le o silafia e le atunu’u pe o fa’afefea ona fa’aaoga tupe nei mo le fa’aleleia o le ‘au’aunaga fa’aSoifua Maloloina.”

Na ta’ua fo’i, e tatau ona tausolomua i le malo ona fai fa’ai’uga ma fa’atinoga i ‘aua malamalama ma sa tatau ona tu’u-sa’o tupe nei o lafoga e fa’aleleia ai tulaga o le soifua maloloina aua le atunu’u lautele.

Na lagolagoina fo’i e le tasi sui o le Itu Agai, o Lefau Harry Schuster, le Ta’ita’i.

E le’i tete’e Lefau i lafoga fa’aopoopo i oloa nei ae na te fesiligia lava le ‘auala o lo’o fa’aaogaina ai ia tupe.

Saunoa Lefau, afai o le fa’amoemoe o le si’itia o le soifua maloloina, e tatau la ona taugata atu pia ma ‘ava e sili atu le malolosi.

Na ia ta’ua le atunu’u o Filipaina fa’apea, e ‘ese le manaia o le faiga a lea atunu’u e fo’ia ai lea fa’afitauli.

O le mea aupito taua na ia fa’aalia, o le alu sa’o lea o le tupe i le vaega o le soifua maloloina.

“Latou te si’ia le tau o oloa ne ii tausaga ta’itasi,” o le fa’aaliga lea a Lefau. “I le fa’atinoga o lea tulaga, latou te ‘ausia ai vaega e lua. Muamua, e taofia ai tagata mai le ulaula-tapa’a aua ua le-gafatia le tau, ma le lona lua, o le fa’ailoa atu lea i fanau laiti ma tupulaga, e ‘aua le ulaula ona e matua taugata.”

Saunoa Lefau, ua tatau i le malo ona fai lafoga e fua i le malosi o le ‘ava, le tele o le nikotini po’o le suka fo’i i oloa nei, ona o vaega tonu nei o lo’o matua afaina ai le soifua o le tagata e fa’aaogaina.

Na lagolagoina fo’i e le Sui Ta’ita’i o le Tautua, o ‘A’e’au Dr. Peniamina Leavai, sui o lana vaega.

Na saunoa, o tupe uma nei e maua mai lafoga nei, e tatau ona fa’aaoga e fa’aleleia ma si’itia atili ai tulaga o le soifua maloloina o tagata uma.

E ‘ese mai lafoga fa’aopoopo nei i ‘ava-malosi, sikaleti ma mea-inu suamalie, na fesiligia fo’i e Palusalue, le fa’ai’uga na tu’u-‘ese’ese ai le Matagaluega o le Soifua Maloloina ma le ‘Au’aunaga fa’aSoifua Maloloina.

“O aoga le tu’u-‘ese’esega lea?” o lana fesili lea.

“Pe na o le ma’umau ai o tupe e fa’agaioi ai nei itutino ‘ese’ese e lua?”

Na ta’ua e Palu, i lana lava silasila, e tasi lava le ‘autu lea e fa’atino e nei itutino uma e lua.

“I lo’u lava malamalama, o le Matagaluega o le Soifua Maloloina, e tatau ona feagai ma faigafa’avae ma tulafono, peita’i o le mea lea e tupu, o le tele o galuega nei o lo’o fa’atinoina fo’i e le isi vaega.

“A’o lea fo’i ua toe fuafua le isi tulafono e fa’atuina ai se vaega fa’apitoa mo Puipuiga.

O le a atili tele ai tupe-alu a le atunu’u.

“O le manatu sa i tua o le fa’a’ese’eseina o vaega nei, e le gata ia fa’aleleia ai le ‘au’aunaga mo le atunu’u, ae fa’asaoina ai fo’i tupe mai isi galuega fa’aPulega ae fa’aaoga mo polokalame mo puipuiga.

O le vaega mulimuli na saunoa iai Palusalue, o lona fiafia lea i le fa’ai’uga na taofia ai le leitiofoni na fuafua e sa’ili ai se tupe mo le Fa’ata – CT Scan.

Na ta’ua e Palu, o le sa’iliga-seleni lea, o le fa’ata’ita’iga tonu lava lea o le fa’aaogaina e le malo o tagata ina ia maua ai ni tupe.

“Lea ‘ou te manatua tala o le tupe i tausaga uma e tolu ua mavae, e iai lava le tupe e fa’aagaga mo le Fa’ata (CT Scan) lea. O taimi uma lava la matou te fono ai ae talosagaina se fa’amatalaga lata mai o lea fuafuaga, o le mea moni, e matua tele le mau lapisi latou te la’u mai ia matou.

“Fai mai o lo’o fa’asalalau mo ni tauofoga. A ua matou tete’i nei ina ua fa’alogo atu o le a fai le leitiofoni.

“A ua ‘ou fiafia lava ona ua le o’o. E matua mataga tele ma fa’alumaina le malo ae tatalo i le atunu’u mo se tupe e fa’atino ai lea mea.”

Na ta’ua e Palusalue, sa talatalanoa fa’asamasamanoa ma le Minisita o le Soifua Maloloina, o Tuitama Dr. Leao Tuitama, lea sa fautua iai, ia taofia lea sa’iliga-tupe.

E le’i maua se avanoa ananafi mo le Afioga a le Minisita mo sona finagalo.

 

{googleAds}

<script async src="http://www.samoaobserver.ws///pagead2.googlesyndication.com/pagead/js/adsbygoogle.js"></script>
<!-- ads-articles(24.03.14) -->
<ins class="adsbygoogle"
style="display:inline-block;width:336px;height:280px"
data-ad-client="ca-pub-9419815128221199"
data-ad-slot="2395638412"></ins>
<script>
(adsbygoogle = window.adsbygoogle || []).push({});
</script>

{/googleAds}

 

 

 

 

 

 


Viewing all articles
Browse latest Browse all 2664

Latest Images

Trending Articles





Latest Images