E ono avea ma fetupupula i le lumana’i

O vaiaso uma e le misi ai Maggie ‘Ai’ono i malae-ta’alo i Pesega, e koleni ma fa’ata’ita’i lana togi pulu-mamafa.

O lo’o sauniuni le tama’ita’i lea ma koleni e le Komiti mo ‘Auta’a’alo a Samoa e le atoatoa le malolosi, mo le Olimepeka Fa’apitoa mo Tagata Mama’i e faia i Rio i le 2016.

E tutusa koleniga i aso ta’itasi – e fa’amalosi-tino muamua, koleni ai e sa’ili le-malosi fa’atoa fa’asolo ai e togi le pulu-mamafa.

She has a lofty goal – she wants to throw it 12 metres – a distance which would put a Paralympic podium finish close.

“I just want to represent my country,” the athlete said.“I was born in Samoa and I really want to go out there and see what I can do.”

Aiono has battled a disability since she was only a few years old, having lost her leg in a car accident in 1984.That has not stopped held her back.

E tele lava le fa’amoemoe o Maggie – e mana’o ia ‘ausia le 12 mita – o se mamao e ono mae’a ai loa ma tauvaga mo tagata-mama’i.

“’Ou te mana’o e fai ma sui o lo’u atunu’u,” o le fa’aaliga lea a le tama’ita-ta’alo. “Na ‘ou fanau i Samoa ma ‘ou tem atua naunau lava ia ‘ou alu e tauva i le mea e gata ai le malosi.”

Na finau lava Maggie ma fa’afitauli o le le-atoa o le malosi o le tino, a’o tuputupu-a’e na motu ai lona vae ona o se fa’alavelave tau-ta’avale i le 1984. E le’i taofia ai i’ina le finau o le tama’ita’i.

I le taimi nei, o lo’o tulaga mai i le 7.5 mita le mamao o lana togi ua iai.

“E tatau ona ‘ou to’aga e koleni ma togi so’o le pulu-mamafa,” o lana fa’aaliga lea a’o tapena mo le isi fo’i koleniga e soso’o ai – e ta’i-lua itula e koleni ai ma lana faia’oga o Maylani Ah Hoy i vaiaso ta’itasi.

“’Ou te iloa e tatau ona o’o atu i le 12 lana togi ina ia agava’a ai,”o le fa’aaliga lea a le faia’oga e uiga ia Maggie ma lona taumafai lea e tatau ona ‘auai ai tauvaga e sa’ili ai le ‘Au-ta’alo ia Mati 2016.

O lo’o finau lava i lona malosi ma ia lava lana manava i koleniga ta’itasi ma o lo’o fesoasoani malosi ia Maggie ina ia fa’aopoopo pea lona malosi mo le fa’ataunu’uina o lona fa’amoemoe.

A le ‘ausia loa le tulaga lea, o lo’o iai pea le avanoa o Maggie e avea ai ma sui o Samoa, aua e maua lava avanoa mo tagatata’a’alo fa’apea mai atunu’u tauatia’e, o le fa’aaliga lea a Maylani.

A’o koleniga lava ia, e le faigofie i le taimi nei mo Maggie.

E masani ona malolo pe ta’i-lua vaiaso, pe a tau afaina lona vae ona o le vaega-fa’apipi’i – e le sao iai se ‘ea e mo’omia pe a mae’a koleniga.

O lo’o tatalo, ia maua se vaetalafeagai mo le ta’aloga tonu lea, e mafai ai ona fegaoioia’i ma faigofie ona fealua’i.

Peita’i, e le taugofie, e silia i le lima-afe tala Amerika ($US 5,000.00) le tau o le vae-lelei ma talafeaga mo le ta’aloga.

“O le vae o lo’o ia fa’aaogaina i le taimi nei, e mo fealua’iga masani i aso ta’itasi,”o le fa’aaliga lea a Maylani.

“Ae a maua se vae-talafeagai, o le a matua malosi atu Maggie... o le a lava lona malosi e togi ai le pulu-mamafa.”

Ma ono mamao atili ai lana togi ma ono maua ai se ulua’i pine mo Samoa i ta’aloga nei.

O le taimi nei, o lo’o fa’aauau pea koleniga a Maggie a’o aga’i atu i le fa’ai’uga o le tausaga.

O lo’o una’i malosi fo’i e lana faia’oga ina ia to’aga e koleni malosi ma fa’amaoni, ina ia ‘ausia ta’aloga mo tagata le-atoatoa le malosi o le tino ma manuia ai ana taumafaiga i le lumana’i.

O le mafuaga lea, ona o le a to’esea Maylani i le taimi o le Kerisimasi, ua lafo ai le mamafa o ana taumafai ia ia lava ma le fa’amoemoe maualuga ia solosolo lelei ma maua ai se ‘ai o Samoa i le lumana’i.