Quantcast
Channel: Samoa Observer - local news, reviews & opinion on Samoa, business, sports, movies, travel, books, jobs, education, real estate, cars & more at ...
Viewing all articles
Browse latest Browse all 2664

‘Ou te matua fa’atuatuaina lava le Palemia’

$
0
0

altFai mai le Faipule o Papali’i Niko Lee Hang, e na te talitonuina le Palemia o Tuilaepa Sailele Malielegaoi.

Fai mai le Faipule o Papali’i Niko Lee Hang, e na te talitonuina le Palemia o Tuilaepa Sailele Malielegaoi.

Ae peitai, e mo le ta’uleleia o se faigamalo lelei, fai mea tonu ma le mautali atu, fai mai le Minisita Lagolago o Feso’otaiga ma Fa’amatalaga Fa’a-Tekonolosi, ua tatau ona ave ese e le Palemia lana Minisita o Tupe, Faumuina Tiatia Liuga.

“Na pau le fofo o le ave ese mai o Faumuina,” o le talanoa atu lea a Papali’i i le Samoa Observer i le taimi o le fa’atalatalanoaga i le vaiaso talu ai.

Ae afai e le faia e Tuilaepa lea tulaga, fai mai Papali’i: “Ia o ai la e toe talitonu ia te ia?” Fai mai Papali’i e tatau ona tausolomua i taitai le fai ma fa’ataitaiga.

“E matua o’u fa’atuatuaina lava le Palemia,” o lana fa’aaliga lea.

“Na pau le mea lea e tu’ufesili ai lo’u mafaufau (e uiga i le Palemia), o le itu lea, o ia foi o se Tausi Tusi, ma e tatau ona ia malamalama i auiliiliga po’o lipoti a le Sue Tusi, lea na fa’amaonia e le Komiti o le Palemene.”

O le auiliiliga o lo’o fesiligia o lo’o teu malu i le lipoti i le Palemene a le Pule ma Sue Tusi Sili, Fuimaono Camillo Afele, mo le tausaga 2009 ma le 2010. O lea lipoti o lo’o fa’apupula manino ai ‘faiga pi’opi’o’ i le galuea’ina o nisi o matalagaluega a le malo.

{googleAds}<script async src="http://www.samoaobserver.ws///pagead2.googlesyndication.com/pagead/js/adsbygoogle.js"></script>
<!-- samoaobs_headline -->
<ins class="adsbygoogle"
     style="display:inline-block;width:300px;height:250px"
     data-ad-client="ca-pub-9419815128221199"
     data-ad-slot="5353984075"></ins>
<script>
(adsbygoogle = window.adsbygoogle || []).push({});
</script>{/googleAds}

O mea na tutupu i le Fa’alapotopotoga o Eleele a Samoa (S.L.C), i lalo o le taitaiga a Faumuina a’o avea ma Minisita, na tele ina maofa ai.

I se tasi o mea na tupu, o se ta’avale na fa’atau mai, lea e tatau ona $200,000 pe itiiti ifo foi, na o’o atu lona tau i le $340,000.

O le isi faiga, e a’afia ai le faitau miliona tala na totogi atu i se tagata tutotonu (middleman) mo le loli vili vai lea e toe itiiti fa’aluaina le tau na tu’uina atu e le malo nai lo le tau na fuafua muamua i le tala o le tupe.

E tusa ai ma fa’amatalaga a Papali’i, o le vaega pito sili ona leaga, o le lē mafai lea e le Fa’alapotopotoga ona tali atu i le Tusi a le Pulega mai le Sue Tusi.

O nei faiga ma le lē mafai ona tali atu, e le o logo lelei i le malo. O le ala lea e na te talitonu ai, ua tatau lava ona lototele le Palemia e fai se fa’aiuga ia Faumuina.

“O le mea e ta’u o le fai mea tonu, mautali atu ma faigamalo lelei, e le o aliali mai i ia faiga fa’apea, pe a fua atu i mea ia o lo’o tutupu mai,” o le fa’aaliga lea a Papali’i.

I sana saunoaga i se fonotaga fa’a-faletui a le HRPP e ono ma le afa itula lata mai, e fa’atatau ia Faumuina, fai mai Papali’i na ia fa’ailoa sa’o atu ai lava ona lagona ia Tuilaepa.

“Na ou fai atu i le Palemia e fa’apea, e le alofa Faumui ia Tuilaepa, e le alofa foi i le H.R.P.P., aemaise ai lona lē alofa i le atunu’u.

“O le ala lena na ou fa’apea ai loa, e sili pe a talosaga ia Faumui ina ia fa’amavae.” E tusa ai ma fa’amatalaga a lē sa avea muamua ma Minisita o Tupe, “e le na o a’u e i ai le lagona lea. E i ai foi isi.”

“Na talanoa atu se isi Minisita o le Kapeneta i le fono e fa’apea, ua le toe fa’atuatuaina e tagata o le atunu’u le Minisita o Tupe.

“O taimi uma e tu’uina atu ai e Faumuina se lipoti, e maniti o’u tino,” na fai atu ai le Minisita o le Kapeneta i le fono. Fai mai Papali’i, e na te le mautinoa pe aisea lava e fa’a-faigata ai ia Tuilaepa ona tu’u Faumuina e alu.

Ae o lea ua mavaevae ai le vaega fa’aupufai i lea mataupu, o lana tala lea. I le talanoaina o le tau fa’amata’u o le Faipule o Siumu, Tuu’u Anasi’i Leota, i le fa’atuina o se patī fou, fai mai Papali’i, “Na iloa lelei e Tuu’u ala o mea (le fa’amoemoe o le pati).

O le isi itu, “E le mafai ona ma fa’atuina se patī e maua lava ia.... e na o le to’alua maua. “Ae o le lē fiafia o Tuu’u, o le leai o se gaioiga e faia fa’asaga ia Faumui.” I le fonotaga, na i ai ni manatu mai nisi o sui, mo le patī ina ia fai se fa’aiuga ia Tuu’u.

“E leai se mafua’aga o le a fai ai fua se fa’aiuga ia Tuu’u, o fa’afitauli ia o le patī....o le fa’afitauli autu lava o le mataupu a Faumuina. “Aisea na lē tali ai le S.L.C. i tusi a le pulega?”

Fai mai Papali’i, ua ala ona ia talanoa mai i ia mea, ona o lona alofa i le atunu’u ma tagata, aua e tatau lava ona latou silafia le tulaga o lo’o fa’aalu i ai tupe.

“O lo’u naunautaiga, ia taofia ia faiga pi’opi’o,” o lana fa’aaliga lea. “Po’o le a lava le umi e faifai ai pea ia faiga pi’opi’o, ou te naunau lava ia ou nofo ai i o, ina ia mautinoa ua taofia faiga pi’opi’o ia.

“Aisea?

O se itu lē manuia tele lea i soifuaga o tagata aemaise le fa’aaogaina o tupe a le malo, aemaise lava pe a ou va’ai atu i le aufaigaluega a le malo, o tagata maualuluga, o minisita ma le au faipisinisi o lo’o auaufa’atasi i le fa’a-togafiti ona fai tupe a le malo.”

O le lipoti a le Aufaigaluega a le Komiti o le Palemene, lea sa fa’amaonia ai auiliiliga po’o mea na maua mai i le lipoti a le Pule ma Sue Tusi, o le a fefa’aalia’i ai manatu i le fa’atasiga a le Palemene i le asō.

{googleAds}<script async src="http://www.samoaobserver.ws///pagead2.googlesyndication.com/pagead/js/adsbygoogle.js"></script>
<!-- samoa_observer.ws -->
<ins class="adsbygoogle"
     style="display:inline-block;width:336px;height:280px"
     data-ad-client="ca-pub-9419815128221199"
     data-ad-slot="5306335075"></ins>
<script>
(adsbygoogle = window.adsbygoogle || []).push({});
</script>{/googleAds}

Viewing all articles
Browse latest Browse all 2664

Latest Images

Trending Articles





Latest Images