Poloaina e le P.S.C. ia fai se suesuega

Ua poloaina e le Komisi o Galuega a le Malo (PSC) le faia o se suesuega i le Ofisa Sili o Pulega (CEO) o le Matagaluega o A’oga, Taaloa ma Aganuu (MESC), o Matafeo Tanielu Aiafi.

O le faamoemoe o lea suesuega ia mautinoa ai pe faamata “na soli e Matafeo le Faavae Tau le Amio” e ala i le tofia o se Sui Ofisa Sili o Pulega o Aganuu i le Matagaluega o Aoga. Taaloga ma Aganuu.

O lea su’esu’ega e ono taunuu i se lapataiga e faasaga i le Ofisa Sili o Pulega, e ala i se sala tupe e sili atu i le $1,000 poo se fautuaga i le Kapeneta ina ia faamuta lana feagaiga tau galuega. O lea suesuega na poloaina e le Taitaifono o le Komisi o Galuega a le Malo (PSC), Tu’u’u Dr Ieti Taulealo, e tusa ai ma tusi i le va o itu auai na maua e le Samoa Observer.

“Na tonu i le Komisi o Galuega a le Malo (PSC) i lana fono ma iloiloga i le aso 12 ma le 13 o Novema 2013 ua e ono soli le Tulafono Tau le Amio, e ala i au tali i le tofiga na fai e le PSC i le tulaga o le Ofisa Sili Lagolago o Pulega Tau le Aganuu i totonu o le Matagaluega o A’oga Taaloga ma Aganuu,” o le faaupuga lea o le tusi a Tuuu o le aso 13 o Novema 2013.

O lea tusi sa faatuatusi ia Matafeo, ae ave le ata o lea tusi i le Minisita o A’oga, Taaloga ma Aganuu, Magele Mauiliu Magele ma le Sui Palemia ma o le Sui Minisita foi lea o le PSC, o Fonotoe Pierre Lauofo. I totonu o lana tusi, sa faailoa atu e le Taitaifoo ia Matafeo e faapea ua uma ona tofia e le PSC Peseta Elisaia Talouli, o le Matagaluega o Puna’oa Faale- Natura ma le Siosiomaga, e tauaveina lea suesuega.

“O le Sui ua lautogia mo lea itu ua ia te ia paoa e samania ai molimau ma talia faamatalaga molimau e peiseai o ia o se Komisi Suesuega e tusa ai ma le Tulafono o Komisi Su’esu’e 1964,” o le tusi lea a Tu’u’u. Ae peita’i e matua tete’e Matafeo i lea tuuaiga. In his response to the PSC, dated 13 November 2013 and copied to Prime Minister Tuilaepa Sa’ilele Malielegaoi, Matafeo says the PSC’s decision deprives him of his “human rights” as a “member of the human family.” I lana tali atu i le PSC, i le aso 13 o Novema 2013 ma avatu le ata o lana tali i le Palemia Tuilaepa Sailele Malielegaoi, fai mai Matafeo o le faaiuga a le PSC ua faoa ai mai ia te ia ana “aia tatau faale-tagata” e avea ai ma “sui o se aiga o tagata soifua.”

E tusa ai ma le tusi a Matafeo: “Ua faate’ia a’u i la outou faaiuga e suesuega a’u fesili faale-tulafono ma fautuaga e faasaga i la outou faaiuga e faapea: 1 E faataute’e i se faaiuga ‘autasi na fai mo le Ofisa Sili Lagolago o Aganuu e le vaega sa faia lea iloiloga, 2. O le lē logoina o le Ofisa Sili o Pulega e faasino tonu i ai e ui ina mana’omia e le Tulafono ma ua faapea ona ‘alofia le taualumaga sa tatau ona mulimuli mai ai talu ai sea tulaga lē malilie faatasi. 3. Ua fai faamalosi ai le faafaigaluegaina o se Ofisa Sili Lagolago o le Aganuu, e ui lava ina ua uma ona saini le feagaiga lea sa fautua tete’e i ai le Loia Sili, ma ua tuuina atu ai i le Komesina o Sulufaiga ina ia toe iloiloina.

O tusi o le aso, (Tusi a le PSC o le aso 6 o Novema 2013 & le tusi a le Loia Sili o le aso 1 o Novema 2013. 4. Ua tuuaia a’u ua ‘ou soli le Tulafono Tau le Amio e tusa ai ma la’u konekarate, ua faaalia manino i luga, lea e tatau ona ou tu ai nei ina ia outou maua ai se avanoa e faamaonia ai i se faiga faatino ma se faailoa tau le mafaufau e faapea E LE o ia te a’u se malosi faale-tino ma le mafaufau e faatino ai la’i gal;uega, tiute ma avega tauave o la’u galuega ia E LE’I suia e le Malo. Afai na tofia a’u e le Kapeneta mo se vaitaimi e le’i atoa se tausaga talu ai, ma le iloa lelei o o’u faaletonu e pei ona outou ta’ua, ona ‘ou fautuaina lea o lo outou mamalu ina ia aveese aiaiga muamua e lua o le suesuega, e ‘alofia ai le faatigā ulu ia i matou uma.

Ona o lea itu, ia fautuaina e le Komisi i se faiga tuu-sa’o le Kapeneta e faamuta la’u konekarate pe afai e talitonu le Komisi o le mea sa’o lea e ao ona fai.” E tusa ai ma le faaaliga a Matafeo, o lana tali i le tofiga o loo fesiligia o se taumafaiga lea e ‘ausia ai le “faimea tonu, faiga-malo lelei ma le mautali atu i tagata ma se faiga tau feutanaiga a le Komisi o Galuega a le Malo.” “A taofi mau ma faasili nei itu taua ma tausi i ai, o le a mafai ona tatou ‘alofia nei mea faatiga uma e le talafeagai ai, e lē mo na o tatou ae faapea foi tagata e aafia o latou soifua i uiga ‘ailililo o lenei mataupu,” o le tusi lea a Matafeo. “Fai la ma faata’ita’iga le Ofisa Sili Lagolago fou o le Aganuu. O le tulaga lē manuia o lona i a ii totonu o le ofisa e aunoa ma le konekarate mo ia o lona uiga moni o se tasi lea o mea sa’o ua soli e la outou Komisi.” O tusi mai le PSC ma le tali a Matafeo ua lomia atoa i lalo:

Tusi mai le PSC:
13 Novema 2013
Le Ofisa Sili o Pulega
Matagaluega o A’oga,
Taaloga ma Aganuu

TUSI FAAMAONI O LE TOFIA I LALO O LE FUAIUPU 19(b) O KONEKARATE TAU LE FAAFAIGALUEGAINA O OFISA SILI O PULEGA

Na ia tu’uaia foi se tasi o pisinisi i lea vaega o lo’o fai ma fa’afitauli i la latou komiti.

Na iloiloina e le Komisi o Galuega a le Malo (PSC) i lana fono ma felafolafoaiga i le aso 12 ma le 13 o Novema 2013 e faapea atonu ua e soli le Tulafono Tau le Amio e ala i au tali i le tofiga na fai e le PSC i le tulaga o le Sui Ofisa Sili o Pulega mo Aganuu i totonu o le Matagaluega o A’oga Taaloga ma Aganuu.

E tusa ai ma le Fuaiupu 19 (b) o lau Konekarate Tau Galuega o le aso 15 o Ianuari 2013, o lea ua tofia ai e le Komisi o Galuega a le Malo Peseta Elisaia Talouli (Sui), o le Matagaluega o Puna’oa Faale-Natura ma le Siosiomaga na te faatinoina se su’esu’ega auiliili/suesuega i le mataupu ma faai se lipoti i le Komisi. E mafai e lea Sui ona faatulaga moliaga e faasaga ia te oe ma tuuina atu ia te oe se avanoa e fofogaina ail au mau e uiga i moliaga a’e le’i faatinoina le suesuega. Ua i lea Sui poa e samania ai molimau ma talia faamatalaga molimau e peiseai o ia o le Komisi Suesuega i lalo o le Tulafono o Komisi Su’esu’e 1964. O le a fai e le PSC le tonu poo le fea o vaega ua faaalia ilalo e tatau ona faatali se’ia maua se faaiuga o le suesuega, pe a uma ona tuuina mai ia te ia le lipoti o le suesuega ma ua uma ona tuuina atu i lē ua tofia se avanoa e suesueina ai e uiga i le mataupu tau faasalaga.

(i) Fai se isi gaoioiga

(ii) Tuuina atu ia te oe se lapataiga ma poo se poloaiga e faapea o se aofaiga e le sili atu i le $1,000 o le a toesea e avea ma faasalaga mai le totogi o lē ua tofia ma totogi atu i totonu o le Teugatupe a le Ofisa o Tupe.

(iii) Fautuaina le Kapeneta ina ia faamuta le konekarate o le galuega. O le a tatau i le Sui ona faamae’a le suesuega ma lipoti atu i le PSC i totonu o le 2 vaiaso. Dr Tuuu Ieti Taulealo TAITAIFONO ata: Peseta Elisara Talouli, MNRE Hon. Afioga Sui Minisita o A’oga, Taaloga ma Aganuu Hon. Sui Minisita/Ssui Minisita, Komisi o Galuega a le Malo. Tusi Faamaoni o le tofiga mo Peseta Talouli 13 Novema 2013

TUSI FAAMAONI O LE TOFIGA A LE KOMISI I LALO O LE FUAIUPU 19 (b) O LE FEAGAIGA TAI GALUEGA MA LE FAAFUAIUPU 6 (3) O LE TULAFONO O GALUEGA A LE MALO 2004.
Ua ‘ou tofia nei. Peseta Elisaia Talouli ACEO OFISA SILI LAGOLAGO o Galuega Lautele a le Matagaluega o Puna’oa Faale- Natura ma le Siosiomaga :na te faia se suesuega./auiliiliga e faasaga ia: Falanaipupu Tanielu Aiafi (‘Ofisa Sili o Pulega’) of le Matagaluega o A’oga, Taaloga ma Aganuu, Ina ia sailia ai pe faamata pe leai o ana tali mai i le tofia a le PSC i le tulaga o le Ofisa Sili Lagolago Aganuu i totonu o le Matagaluega o A’oga,Taaloga ma Aganuu, ua na soli ai le Tulafono Tau le Amio.

O LE e mafai e le Sui o le Komisi ona faatulaga moliaga e faasaga i le Ofisa Sili o Pulega faatasi ai ma se avanoa e fofogaina ai sana mau e uiga i moliaga a’o le’i faatinoina le suesuegga. UA i le Sui o le Komisi le paoa o le Komisi Suesue e tusa ai ma le Tulafono o Komisi Su’esu’e 1964 e samania ai molimau ma talia a latou faamatalaga molimau MA fai se lipoti i le Komisi. .

O LE Sui o le Komisi ua tuuina atu i ai le lua (2) vaiaso e faamae’a ai le suesuega/ auiliiliga ma lipoti mai i le Komisi Fa’afetai Dr. Ieti Taulealo TAITAIFONO ata: Falanaipupu Tanielu Aiafi, Ofisa Sili o Pulega Matagaluega o A’oga, Taaloga ma Aganuu, Ofisa Sili o Pulega Matagaluega o Puna’oa Faale-Natura ma le Siosiomaga MALO O SAMOA Tali a Matafeo Aiafi : 21st Novema 2013 I le Taitaifono Komisi o Galuega a le Malo

E uiga: TUSI FAAMAONI O LE TOFIGA I LALO O LE FUAIUPU 19 (b) O LE KONEKARATE TAU GALUEGA A LE OFISA SILI O PULEGA.
Ua ou faia lenei tusi e tali atu ai i lau tusi o le aso 13 o Novema 2013 e faasino i le mataupu ua ta’ua i luga: O le faatomuaga o le Faaaliga o Aia Tatau a Tagata lea foi o loo noatia ai Samoa fai mai: “Ona o le aloa’ia mamalu tumau ma le tulaga tutusa o aia tatau e le mafai ona aveesea mai tagata uma o le lalolagi, o le faavae lea o le sa’olotoga, amiotonu ma le filemu i le lalolagi,” O mataupu ua faaalia i lalo ou te talitonu, ua fetaui lelei lea i aia tatau a tagata ia ua fao ese mai ia te a’u i le avea ma sui o le aiga o tagata ma o le a ‘ou faamalamalama atu le suesuega na fai e le Sui na outou filifilia. Mataupu1. • O tagata soifua uma e soifua mai sa’oloto ma e tulaga tutusa i le mamalu ma aia tatau. Ua tuuina atu ia i latou le poto ma le mafaufau ma e tatau ona amio i le isi tagata i le loto faa-uso Mataupu 3.E tofu tagata uma ma le aia tatai i le ola, sa’olotoga ma le puipuiga a le tagata. Mataupu 5. E leai se tasi e tatau ona tuuina atu faiga faasaua poo i faiga le alofa, e le tusa ai ma le tagata poo i se faiga e faalumaina ai pe faasalaina ai. Mataupu 6.

• Ua i tagata uma le aia tatau e aloa’ia i soo se nofoaga i le ave ma tagata i luma o le tulafono Ae tusa ai ma la outou tusi ma e Tusa ai ma le Fuaiupu 19 (b) o la’u konekarate e faapea: i. afai ua le mafai e lē na tofia ona faatino ona tiute ona ua faaletonu le mafaufau poo le ma’i o le tino e ala i le tuuina atu i le ua tofia se taimi e le sili atu i le fa (4) vaiaso se faaaliga tusitusia o le faamutaina o lana galuega POO le totogiina o le fa (4) vaiaso o le totogi faavae talu ai lea faasilasilaga;

ii. afai ua iloga mai le matua uiga ese ole faatinoina o tiute ma avega tauave a lē ua Tofia i lona tulaga tino mai ma le tele ona o se faaiuga a le Malo, e mafai e le Komisi ona fautuaina le Kapeneta (1) ia tofia le na tofia i se isi galuega i totonu o galuega a le malo; poo (2) ia totogi i le na tofia se tupe e tusa ma le tolu (3) masina o le totogi faavae poo se aofaiga faapea e pei ona mafai ona aiaia e le Komisi i se aofai aupito i maualuga e ono (6) masina o le totogi faavae. Ua faate’ia a’u i la outou faaiuga ina ia su’esu’ega fesili tau a’u e tusa ai ma le tulafono ma fautuaga e faasaga i latou outou faaiuga ina ia :

1 Faataute’e i se faaiuga ‘autasi na fai mo le ACEO o le Aganuu e le vaega na faia le filifiliga. 2. Le fautuaina o le Ofisa Sili o Pulega e faasino tonu i ai le mataupu e ui i le mana’oga o le Tulafono e aveeseina ai le taualumaga e tatau ona sosoo ai talu ai se tulaga lē malilie faatasi. 3. Faamalosi ona fai se tofiga o se ACEO o le Aganuu, e ui lava ina sa teena e le Loia Sili le sainiga o lea konekarate ma tuuina atu ai i le Komesina o Sulufaiga mo se toe ilolooga.

O tusi o le aso (Tusi a le PSC o le aso 6 o Novema 2013 & le tusi a le Loia Sili o le aso 1 o Novema 2013), 4.Tuuaia o a’u ua ‘ou soli le Tulafono o Amio Taualoa e faavae i luga o la’u konekarate, ua faaalia i luga, lea e tatau ona ‘ou taua i le taimi, ina ia outou silafia ai ma faamaonia e ala i le tino ma le mafaufau pe ua ‘ou le mafaia i le tino ma le mafaufau ona fai la’u galuega ma tiute, avega tauave o la’u galuega ia e le’i suia lava e le Malo. Afai na tofia a’u e le Kapeneta mo se vaitaimi e itiiti ifo i se tausaga, ma le iloa lelei o o’u tulaga le mafaia e pei ona outou ta’ua, ona ou faautuaina lea lo outou mamalu ia tuu aiaiga muamua e lua o le suesuega, ina ia faasaoina matou mai le faatiga ulu.

Ona o lea tulaga, ia fautuaina e le Komisi i le faiga tuusa’o le Kapeneta ina ia faamuta la’u konekaarate pe afai e talitonu le Komisi o le mea sa’o lea e ao ona fai. E tatau foi ona toe faamanino atu lo’u tulaga i le una’ia o le faimea tonu, faiga-malo lelei, mautali atu ma se faiga feutaga’i a le Komisi o Galuega a le Malo. A taofi mau i nei vaega taua ma tumau ai , o le a matai ona tatou aveeseina mea faatiga ulu uma e le talafeagai ai, ae le na o tatou ae faapea foi tagata o latou soifua ia e aafia i le tulaga faanimonimo o lenei mataupu.

Fai ma faataitaiga le ACEO fou o Aganuu. O le tulaga faanimonimo o lona i ai i totonu ole ofisa e aunoa ma sana konekarate faigaluega o se tasi lea o mea sa’o ua soli e latou outou Komisi. Ua lava o lea, ae o le a faaauau pea ona tuuina atu lo’u taimi e faatino ai toe fuataiga fou a le Malo, o se tasi o ia o le a faaosofia ai ina tuuina atu le paoa i le Ofisa Sili o Pulega e pulea ai a latou Matagaluega. O le mafai ona faatino o lea tulaga ma le aoga o sea faiga e aoina tuuina atu i lo tatou Malo lelei o lea aso, lea ua matua vaaia manino ai manaoga ma suiga o lo tatou taimi.

O le tuuina atu atoatoa o a’u e avea ma CEO o le Matagaluega o se taulaga osi lea mo lo’u aiga, lea ua tuua i Ausetalia. O lona uiga, ua tonu i lo’u loto ia fai se suiga e faalelei ai le tulaga tau aoaoga i le taimi nei ma o le pogai autu lea ou te iloa ai le taua o la’u finauga i le tu’u faafeagai ma outou manatu E fia momoli atu i le taimi nei la’u faafetai tele i le Afioga i le Palemia, Susuga Tuilaepa Lupesoliai Dr. Sailele Malielegaoi ma le Malo i le taimi nei mo le tulaga tele auiluma o Samoa e o’o mai i le asō i lo’u tulaga o le CEO o le Matagaluega o A’oga.

Taaloga ma Aganuu, ma o se sui faale-tulafono o lo tatou atunuu, ma o a’u foi o se tagata e faaaloalo ma tali atu i la outou tusi. I look forward to meeting the said Delegate.

O lou faamaoni,
Matafeo Falanaipupu Tanielu Aiafi
OFISA SILI O PULEGA
A a: Hon. Afioga Minisita o Aoga, Taaloga ma Aganuu.
Hon. Afioga i le Palemia o Samoa / Minisita Komisi o Galuega
Peseta Elisaia Talouli, MNRE