O lo’o tele oloa auina mai a Samoa, ae ititi oloa auina atu e pei ona fa’ateteleina ai tupe pa’u i se isi la’asaga e 20.5 pasene i le kuata muamua o le tausaga fa’a-le-tupe lenei.
E tusa ai ma fa’amaumauga o Galuega Fa’atino Tau-Tamaoaiga a le Faletupe Tutotonu o Samoa i le masina o Setema 2013, na lipotia mai ai le pa’u i lalo i le $2.0miliona o tupe e maua mai i oloa auina atu i fafo, ona o le laiti o tupe e maua mai i i’a fou, o le suau’u popo ma le sua o le nonu, o fasi-u’amea ma isi oloa e toe auina atu.
“I se fa’aopoopoga, o le aofaiga atoa o oloa auina atu mo le tolu masina muamua o le 2013/14, e 29.7% e la’ititi ai nai lo masina e tolu muamua o le 2012/13,” o se faitauga lea i le lipoti.
“I se isi itu, o le totogi o oloa auina mai, ua fa’aopoopo atu i le 1.2 pasene, $0.8 miliona i le $69.7 miliona. “E tutusa lava ma le tau aofai atoa o oloa auina mai mo le tolu masina muamua o le 2013/14 e $206.9 miliona, e 14.8 pasene e maualuga ai e pei o le masina lava lea e tasi o le piliota o le 2012/13.” O le mafua’aga lena na ala ai ona oso fa’afuasei i luga le pa’u o tupe maua i fa’afetauaiga, o le lipoti lea a le Faletupe.
google_ad_client = "ca-pub-9419815128221199";
/* samoa_observer.ws */
google_ad_slot = "5306335075";
google_ad_width = 336;
google_ad_height = 280;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}
E tusa ai ma fa’amaumauga a le Investopedia, o le pa’u maualalo o tupe maua o fefa’atauaiga, o se paleni le manuia lea o fefa’atauaiga i le maualuga ai lea o oloa auina mai a se atunu’u nai lo ana oloa auina atu.
O le pa’u o tupe maua i fa’afetauaiga, e ta’u mai ai le tele o tupe a le atunu’u e solo atu i maketi i fafo. “I se fa’aiuga, na si’itia ai le pa’u maualalo o tupe maua mai i fefa’atauaiga oloa i le 6.4 pasene, $4.0 miliona, i le $66.5 miliona,” o le lipoti lea a le Faletupe.
“I le tolu masina lea e fa’auma i le masina o Setema 2013, na si’itia ai le pa’u o tupe maua o fefa’atauaiga oloa i le 20.5% mai i le $159.9miliona i le $192.6 miliona.”
O alaga tupe tetele o le atunu’u e maua mai i tupe fa’amomoli taitasi mai i atunu’u mamao, na pa’u i le 19.8 pasene po’o le $7.2miliona i lalo o le $29.2 miliona i le masina o lo’o i lalo o le iloiloga.
“Ae peitai, i le tolu masina lea e fa’aiuina ia Setema 2013, na mataina ai le si’itia o tupe maua i tupe fa’amomoli mai fafo i le 5.6% i le $105.6 miliona mai i le piliota lava lea e tasi i se tausaga talu ai,” o le lipoti lea a le Faletupe Tutotonu o Samoa.
O fa’amaumauga a le Faletupe mai i le Matagaluega o Fuainumera Fa’amaumauina, na lipotia mai ai le pa’u i lalo o tupe maua mai i turisi e pa’au mai i totonu o le atunu’u i le 2.8% i le 11,227 ia Setema 2013, e sau mai i tua o le vaivai o le vaitau o turisi ia Aukuso o le tausaga nei foi.
“Ae peitai, i le tausaga atoa, o le numera o tagata femalagai o lo’o i ai i le taimi nei e 2.0 pasene le maualuga,” e tusa ai ma lipoti a le CBS.
“I le isi itu, o le aofaiga atoa o turisi i le tolu masina e fa’aiu i le masina o Setema 2013, e 1.7 pasene e laititi ai pe a fa’atusatusa atu i le piliota lava lea e tasi o le 2012/13.
“I le vaega o tupe maua mai i turisi, o le aofaiga atoa o tupe maua i le masina o Setema 2013, e 16.5%, $4.3miliona, e maualuga i le $30.3miliona, o se vaega e 3.1 pasene e maualuga ai foi nai lo le masina o Setema 2012.
“Ae peitai, o tupe maua mai i turisi mo le tolu masina muamua o le 2013/14, na pa’u i lalo i le 2.5 pasene, e fa’atusatusa atu i masina lava ia e tolu o le 2012/13.”
google_ad_client = "ca-pub-9419815128221199";
/* adsense_mainbody_banner */
google_ad_slot = "8546623614";
google_ad_width = 468;
google_ad_height = 60;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}