Molimau le Ali’i Faipule

Image may be NSFW.
Clik here to view.O le Minisita o le kapeneta na fai i le Freight e fa’amatuu i tua ia fa’amomoli poo uta i le aso Toonai e aunoa ma se tupe totogi, e lei tiuteina foi, e pei ona taua i luma o le Fa’amasinoga Fa’aitumalo i le aso ananafi.

O le fa’amatalaga lea a le Sui o le Palemene o Gagaemauga Numera 2. Levaopolo i lana molimau mo le taimi muamua talu ona amata suesuega o moliaga fa’asaga ia te ia ma lana teine faigaluega i le fa’aulufale fa’anana mai i totonu o le atunuu o le 700 pusa o fagu malosi o le whisky. Ua faia le molimau a Levao ina ua mae’a le le molimau a lana teine faigaluega o i le aso Tofi lea pe a ma le tolu itula na fesiligia ai.

O Leavaopolo o lo’o tulai ai le alii Loia o Teo Richard Faaiuaso. O le Tama’ita’i Fa’amasino Mata Tuatagaloa o lo’o fa’atautaia lenei mataupu.

Na laga e Teo le mataupu lea i le kiliaina o uta poo fa’amomoli i le aso Toonai e le Ofisa o le Tiute. Na fesiligia e le alii Loia le fa’atinoina o latou uta ma fa’amomoli i aso Toonai. Na saunoa le alii Faipule o le taimi nei e fua lava i le taimi e taunuu mai ai vaalele, i aso Toonai ma Aso Sa.E mafai foi e le Polenisia ona kilia ia fa’amomoli a tagata ae lei taina le itula e 12 i le aoauli o le aso Toonai. E fa’apena foi la le latou kamupani.

Na tauaaoina i luma o le Fa’amasinoga se pepa e fa’apea na ave ai i tua ia ni fa’amomoli mai a ni tagata i Falealili. Ina ua fesiligia e le Loia le Faipule po’o le a lea pepa. Ae tali “o le pepa lea na ia aveina ai i tua (release) ai tua fa’amomoli a nisi o lona itumalo” Na saunoa Levaopolo sa silafia lelei lava e le Minisita e tapuni lana kamupani i aso To’onai, sa fa’amalie i le Afioga i le Minista e le mafai ona ave i tua nei oloa sei vagana ua maua atu se isi o le Ofisa o Tiute e kilia.

“Ae sa ia tali mai ia te a’u o ia o le Minisita o le Matagaluega o Tiute ma e leai se isi e sili ifo o la ua saunoa mai ia te a’u”. O Levaopolo lea. Na agai atu i lana warehouse ma tatala ma ave i tua fa’amomoli a tagata ia sa fa’atali atu i Vaimoso.

O nei fa’amomoli e lei faia ni package surface e lei totogia foi ni tiute. “E te silafia o le a se mea na naunau ai le Afioga i le Minisita ? o le Loia lea. Ae na tali Levaopolo ona o le aso Toonai lea ao lumanai le aso Sa o Tamaiti pei o se tulaga fa’apena na ia manaomia ai le ave i tua o oloa a nisi o tagata o lona itumalo.

O loo molia faatasi lea tamaitai ma Levaopolo lea o loo feagai ma ni moliaga se fa tau le faaseseina o pepa e tusa ai ma le fuaiupu 221 ma le 209 o le Tulafono o Tiute 1977 ma le fa moliaga o le tau faasese o le Ofisa o Tiute e tusa ai ma le fuaiupu 218 ma le 209 o lea lava tulafono.

E lima tuuaiga tau le faasesē o pepa o loo feagai ma lea tama’ita’i, faia o pepa sese ma le valu tuuaiga o le “faailoa mai” o pepa ua faasese e tusa ai ma le Tulafono o Soligatulafono 1961. O nei moliaga e e fa’apea faapea na la fa’aulufale mai i totonu o le atunuu se 700 katuni o fagu uisiki e aunoa ma le totogiina o se tiute. I le taimi na fesiligia ai na ta’ua ai e Levaopolo i le Fa’amasinoga o ia o le pule o le kamupani a le Island Freight o se freight forwarder.

Na ia fa’aalia sa ia iloa lenei pusa oloa, ae le’i alu i Niu Sila i le aso Lulu 19 Tesema 2012. Na ia fa’amaonia o lenei pusaoloa na aumai i Sini Ausetalia.

Na leai le alii Faipule ina ua fesiligia e le alii Loia pe sa malaga ua taunuu atu le pusa oloa i totonu o le lotoa a lana kamupani. Na ia ta’ua na te manatua lelei lava na vili atu ia Christine ia te ia o le talosaga Mr Johan Lee, na oo atu ia te ia ma fai atu o lo’o fia maua se vaega o le lona fale sei tuu atu ai ana oloa. Sa tali mai ia Christine a fa’apea o avanoa se vaega o le fale ona tuu lea o le avnoa a Johan, ia a leai e fai lava e ia le tulaga talafeagai.

I le molimau foi a Levaopolo, “Na fa’apea atu Christine o lo’o tumu totonu o le warehouse ae o loo avanoa le isi container lea na aumai ai le matou fa’amomoli mai Ausetalia e lei faafoia o lo’o taatia ai lava i totonu o le latou lotoa ua leai ni oloa”. Sa fai mai ia Christine a mafai ona totogi e Johan ia le bong o le pusa oloa ona tuu lea iai na te fa’aaoga.

E iai aiaiga a uma le 14 aso e lei toe fa’afoia, ona totogi loa lea.

“ Na iai se lua fesootaiga ma Johan Lee ao e iai i Niu Sila?” o le fesili lea a Teo. “leai”. O Levaopolo lea. Ae na fa’amaonia e Ms. Ainuu ina ua kolisi lana molimau i le aoauli o le aso Tofi, o Mr Lee e valalata le la mafutaga ma le Faipule. “ E le’i taua mai e Christine ia te a’u po’o a oloa ia na avatu e Johan”.o Levaopolo lea. Na fesiligia e Teo pe fia le aofai o le bong.

Na tali Levaopolo na te leiloa le aofai o le tupe totogi.

“E te manatua le molimau a Komisi Koria, na e fai atu ia laua ma Tanuvasa o Johan na vili atu., o le lau molimau i lea tulaga? Fesili a Te’o. Ou te te’ena le tulaga e ala i le molimau a le alii Loia, o le tulaga vili atu Johan ona ou vili mai lea ia Christine e teu pea ia iloa oloa a Johan pe a taunuu mai. E le sao lana molimau. “O le isi molimau a Komisi Koria o oe sa e Niu Sila i le masina o Fepuari” o le alii Loia lea.

“E le sao o a’u na fa’atoa ou taunuu mai iinei i le aso 20 Ianuari 2013 ma ou te lei toe malaga i se isi mea. Ae lei faia le molimau a le Faipule na iai foi nisi e o molimau e to’alua e lagolagoina le molimau a Ms.

O nei molimau o le alii o Mr. Bean Faalogo ma Mr. John Sala o Vaimoso na faia la molimau o laua na laua ia fa’amomoli mai totonu o pusa oloa i le Island Freight.

E maua le la ta’i $20-30 tala ma le pusa pia e totogi ai la galuega. Na taua e Mr. Faalogo ma Mr. Sala o le aso Faraile ao lumanai le Kirisimasi na o ai lau ese mai ia fa’amomoli mai totonu o pusa oloa.

O totonu o nei pusa oloa o loo iai masini ta lavalava, faamalu, ma na nofoa fa’amoe o lo’o fa’atumutumu ai totonu.

O le aso Gafua ao faia latou moagavao ae vaaia se van ma se pikiapu o loo lau atu ai ni oloa ma ave tuu i totonu o le pusa oloa.

E fa’apea na vaaia se tamaloa o lo’o pulou atu i se pulou kaupoe o loo oso atu i fafo ma le van. O ia foi lea na alu atu ma tatala le pusa oloa.