Ua tonu i le Loia Sili a le Malo o Aumua Ming Leung Wai e lē faia ni moliaga tau solitulafono e faasaga i le Samoa Observer ma isi lava nusipepa na lomia faasalalau se ata na mama atu i tua o le Lipoti a le Pule ma Su’etusi Sili o Fuimaono Camillo Afelr mo le 2009/2010
O lea faaiuga na folafola faalaua’itele e le Loia Sili a le Malo e ala i se pepa o faamatalaga ananafi. “Ua i le Palemene le aia tatau e puipui ai le tulaga mamalu o ana taualumaga,” o le faaaliga lea a le Loia Sili o Aumua.
Ae peita’i, o lana saunoaga faaopoopo lea, o lenei aia tatau “e tatau i taimi uma lava ona fuafua lelei i le faafeagai ai ma aia tatau a tagata lautele e ala i lo latou maua o faamatalaga a le malo e uiga i faiga lelei a le malo faaasi ai ma le mautinoa leleia o ia vaega o loo O lana faaiuga e lē faia se moliaga ua tuuina mai e ui lava i lapataiga mai le Fofoga Fetalai o le Maota, Laauli Leuatea Polataivao e faapea e ono feagai nusipepa ma ni sala tupe ma le nofo i le falepuipui, ona o le lipotia o le lipoti a le Pule ma Su’etusi Sili a’o le’i pasia e le Maota.
O pepa o faamatalaga a le Loia Sili a le Malo ua lomia atoa i lalo: Ofisa o le Loia Silia a le Malo Pepa o Faamatalaga Na lagā ni fesili e uiga pe faamata o le a molia nisi o tagata ona o le lomia faasalalau o le Lipoti a le Pule ma Su’etusi Sili (CCA) e faasino i le Faalapotopotoga o Eleele a Samoa, a’o le’i iloiloina e le Komiti Filifilia a le Palemene.
O le Fuaiupu 25(e) o le Tulafono o Pule ma Aia Tatau a le Fono Aoao Faitulafono 1960 o loo faasa ai ona lomia faasalalau lipoti poo faamatalaga molimau na tuuina atu i komiti, a’o le’i lipoti atu ia komiti i le Fono Aoao Faitulafono.
I ana sailiiliga ma suesuega uma, ua avea ai nei Dr. Tuia ma se tasi e fai ma faataitaiga lelei i fanau a ona uso ma ona tuafafine, ae le gata i lea, o i latou o loo aoaoina i le Aoga Faa-faiaoga.
O le lomia faasalalau o le lipoti a le Pule ma Su’etusi Sili CCA ua tuua’ia ai e faapea ua soli ai lea aiaiga. Ae ui o lea, ina ua mae’a ona iloilo lelei se anoano o itu e aafia ai, o lea ua tonu ai ia te a’u e lē faauluina ni moliaga e uiga i lenei mataupu.
O se tasi o iloiloga aupito i taua i lenei mataupu e faapea e o’o mai i le aso 17 o Tesema 2013, ua avea nei faamatalaga ma vaega o lomiga faalaua’itele.
google_ad_client = "ca-pub-9419815128221199";
/* samoa_observer.ws */
google_ad_slot = "5306335075";
google_ad_width = 336;
google_ad_height = 280;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}
E lē gata i lea, o le avega ua faae’e atu i luga o tupe a le atunuu i le tuliloaina o ia moliaga pe a fua i le faasalaga ua aiaia e lenei Tulafono, poo le a lava le ono faasalaina ai o se tasi i lalo o ia tulaga, ae matua lē talafeagai lava pe a fua i le manuia o tagata lautele. Ae ui o lea, e tatau ona faailoa atu e faapea o aiaiga e pei o ia o loo i totonu o le fuaiupu 25, o loo tuuina atu ai se faamoemoe taua mo tagata lautele.
O le mea lea, o le faaiuga e tusa ai ma lenei lava mataupu ma i latou o nei tulaga faapitoa, o le a le tatau i soo se auala ona faatatauina e faapea o se tusi vala’au lea e soli ai tulafono a lo tatou atunuu.
I le avea ma tagata faigaluega o le malo, ua ia i matou se tiute tauave aloa’ia i tagata o Samoa e lē gata e faatino ai ma le amiotonu,lelei ma le atoatoa tiute o le Ofisa, ae ia faapea foi ona faia e ala i le tilotilo ma le faaeteete i mea moni, taualumaga ma faiga masani ia ua loa ona avea ma vaega o le tatou faiga-malo faa-temokalasi.
Faiga faatulagaina, e pei ona faata’oto i totonu o le Fuaiupu 25, ma e tatau ona i ai se mafuaaga o loo tumau ai pea. Latou te saili ina ia faatagaina se iloiloga faaeteete, auiliili ma se iloiloina ese o molimau ua tuuina i se komiti o le palemene ina ia mafai ai ona latou faatino le finagalo o tagata i se faiga e sa’oloto mai le aiaina e lagona o tagata lautele e mafua mai le lomia a’o le’i o’o i le taimi e tatau ai, o lipoti ia sa iloiloina mae’ae’a lelei e se komiti a le palemene.
O le faaiuga e lē faia se tagi e faasaga i lenei mataupu e le o se faaiuga na faatafulu ona fai ae na fai e tusa ai ma le vaaia aoao o le mea e sili ona lelei e faatumauina ai le mamalu ma le sologa lelei o lo tatou temokalasi. I se otootoga, o se faaiuga na fai ina ua mae’a ona fuafuaina ma le faaeteete itu uma lava tau aia tatau a tagata lautele ae le’i faia ona o se suiga puupuu o le tulaga lelei o tagata.
Ua i le Palemene le aia tatau e puipui ai le mamalu o ana taualumaga, ma o le itu lenei e tatau i taimi uma lava ona fuafua i le va ma aia tatau a tagata lautele e faasino i lo latou avanoa i faamatalaga mo tagata lautele e faasino i faiga lelei a le malo atoa ai ma le iloa lelei o ia vaega o loo mana’omia ai ni tulaga tau le toe faaleleia.
O le lu’itau mo i tatou uma ia auai i le soifuaga masani o le taumafai lea e fai le mea sili tatou te mafaia e faa-paleni ai nei mana’oga tauva ina ia maua le mea lelei mo tagata uma lava.
Ou te talitonu.o le faaiuga ua ‘ou faia i lenei mataupu ua faamalieina ai ia itu uma lava.
google_ad_client = "ca-pub-9419815128221199";
/* adsense_mainbody_banner */
google_ad_slot = "8546623614";
google_ad_width = 468;
google_ad_height = 60;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}