E to’a 10 tamaitai talavou o le a mafai ona fa’aauau pea a latou aoaoga i le totogiina e le Faletupe o le Westpac mo tau o a latou aoga mo le 12 masina e soso’o ai.
Ao faia se sauniga na fa’atautaia e fa’aeaea ai i a latou taumafaiga, na saunoa le Pule Sili o le Faletupe, Cameron Penfold, o ia fa’ailoga e fa’apupula ai se tasi o vaega o Pepa o Galuega Fa’atumauina a le Westpac o le Pasefika. Na ia taua, o le vaega muamua o le Faiga o Teugatupe i so’o se mea, lea ua lagolago e Westpac i faleoloa ma le ofoina atu o Teugatupe fa’a-mopili. “I le Westpac a Samoa, o tamaitai o se vaega pito i sili lea ona taua o la matou pisinisi,” o lana tala lea.
“Mo se fa’ataitaiga, o le 65% o matou tagata faigaluega o tamaitai, o le 50% o Vaega o Fa’auluuluga o le Faletupe, o tamaitai.
“Ma e pei ona silafia e le to’atele o outou, o le Pule Sili o la matou pisinisi i Ausetalia, o se tamaitai, o ia lea o Gail Kelly.” Na taua e le ali’i o Penfold, o isi vaega autu e lua o le Faiga Mausalio le fa’atauaina lea o tamaitai ma le fa’amalosia e ala atu i aoaoga ua talafeagai tonu lava lea ma le mafua’aga o le faia o lea sauniga.
“O upu tu’u sa’o nei a Gail Kelly, ‘o le suiga tatou te mana’omia, e amata i totonu o le potu aoga ma ui atu ai i so’o se auala i le potufono o taitai.
google_ad_client = "ca-pub-9419815128221199";
/* samoa_observer.ws */
google_ad_slot = "5306335075";
google_ad_width = 336;
google_ad_height = 280;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}
“Ae paga lava lea, e tusa ai ma le AusAid, e 2/3 o tamaitai ma teineiti o le tasi le piliona o tagata i le lalolagi, e itiiti o latou tomai tau aoaoga.
“Ia, e matou te fiafia tele e galuea’ina se matafaioi e lagolago ai i tamaitai e ala atu i tulaga o fesoasoani tau aoaoga, ona e matou te fa’atauaina tele le tulaga tutusa o ituaiga. “Ma, a tatou o’o atu i le tulaga tutusa o ituaiga(gender), e le fa’apea tatou te fai ia tutusa tagata uma.
“Mo i tatou, e fa’atatau uma lava i le fa’ailoa ma le talanoaina o mana’oga eseese, o le taua, o talitonuga ma mea e fiafia i ai tamaitai ma ali’i.”
Na taua e le na manumalo, Fosi Logovi’i Filemu mai i le Kolisi o Kerisiano Fa’atuatua, e leai sona manatu o ia le isi o le a fa’amanuiaina i lea fesoasoani.
“Ou te matuai talisapaia lava le fesoasoani fa’ameaalofa mai i le Westpac,” o lana tala lea. “E matuai tele lava lea fesoasoani mo o’u matua i le totogiina o lo’u piliaoga ma a’u meaaoga foi.
O se vaega o fuafuaga lautele o le Pasefika, o Fesoasoani Fa’ameaalofa a le Westpac mo Aoaoga a Tamaitai, e tu’uina aloaia atu i tamaitai i tausaga taitasi.
O le tausaga nei, e 90 i latou na talosaga mo ia fesoasoani fa’ameaalofa- o tamaitai talosaga taito’atasi, na tusia ni tala e tali atu ai i le fesili.
“O le a lau mea e fai e fai ai se suiga i ou tagata po’o lou atunu’u? Ma o le a le mafua’aga e te faia ai lea vaega?” Na taua e la ali’i o Penfold, mai i le faitauina o ia tusigatala, na maofa ai le au faigaluega a le Westpac Samoa i le va’aiga manino ma le sao, lea ua o’o i ai vaega ia e pei o aoaoga, o aganu’u ma polokalame tau soifua maloloina.
“O le vaega taua e uiga i le sao o i latou na manumalo, o le talafeagai lelei o i latou uma nei mo Samoa i le asō,” o lana tala lea.
“O latou o sini autu ma taunu’uga fa’amoemoeina, o le itu lea o lo latou alualu i luma ma toe aumai ai i tua i le fa’alapotopotoga.
“Ma o latou, e mo le fa’amanuiaga o tagata Samoa uma, aemaise lava i le itupa o tamaitai. “Ou te talisapaia ma fa’afetai atu i tamaitai uma mo le auai mai i lea polokalame.
“Ma ou te fa’amalo atu foi i a’i latou uma na manumalo.”
O i latou e to’a sefulu na fa’amanuiaina i lea fesoasoani fa’ameaalofa o: Logoasa Palamo, Sitoelau Fetu Tala, Fossie Logovi’i Filemu, Fanaafi So’oaemalelagi, Nelle Merle Laban, Sonya Sione, Lynn Ueselani, Naimilakakina Malaga, Hazel Tufuga ma Fusi Toma.
google_ad_client = "ca-pub-9419815128221199";
/* adsense_mainbody_banner */
google_ad_slot = "8546623614";
google_ad_width = 468;
google_ad_height = 60;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}