Tu’uaia e se ali’i le fa’aaoga sese o le paoa o Leoleo

Na tu’uaia e se aveta’avale o le ta’avale la’’u pasese laititi le fa’aaoga sese o le paoa, i le talai o ona laei mo suesuega ma le taofiaina o ia i le va’aiga a leoleo mo le silia i le 24 itula i se tu’uaiga ua ia taua o se solitulafono itiiti e fa’atatau i ta’avale afi.

Na matuai le fiafia lava le alii o Cheung Bun, ma na ia faaulu atu lana tagi i le Police Professional Standard Units. Na ia faia lea tulaga ina ua tatala mai i tua mai i lona taofiaina.

O le isi itu, e mana’o le ali’i o Cheung Bun e lapatai atu i le mamalu o le atunu’u e uiga i leoleo.

Na i lalo o le va’ava’aiga a leoleo le aveta’avale la’u pasese lenei mo le lē uistaia o tulafono tau ta’avale-afi i luma o le Lotemau Centre i le Aso Gafua. Na taofi e leoleo lenei ali’i ina ua ia fa’aaoga le ituala sese e liliu ai lana ta’avale.

E tele lava i’na lafo e Cheung Bun upu fa’atiga i le tuagane o lona to’alua, le ali’i Satini o Evile Mano, lea o lo’o galue nei i le Matagaluega o Leoleo i le Vaega o Ta’avaleafi. Na te’ena e le Satini o Mano tu’uaiga o le fa’aaoga sese o lona paoa, fai mai o le la e fa’atino lana galuega. Ae peitai, na fesiligia e le ali’i o Cheung Bun, pe aisea na taofia ai fua o ia i le va’aiga a leoleo.

“A fa’apea e sese a’u, sa tatau ona tu’uina mai se pepa tusitusia(ticket). Ae peitai, na latou avea a’u i le ofisa ma suesue ai a’u e le isi leoleo e igoa ia Fetu, ona ave ai lea o a’u i le falepuipui i Tafaigata lea na fa’ailoga ai lo’u lima. “Na talai ese o’u lavalava, ae o latou pu’eina lou ata.

Na taofia ai lava a’u i le va’aiga a leoleo mo le silia ma le 24 itula....na taofia atu au i le Aso Gafua i le va o le itula e 2-3 i le aoauli ma e le i mafai ona tatala au i tua seia o’o lava i le aoauli o le Aso Lua.

Na tu’uaia e Cheung Buns le ali’i Satini o Mano i le fa’aaoga o lona paoa fa’a-leoleo e fa’apologa ai i latou, e mafua mai i se feeseeseaiga i fanua o le aiga. Na fa’aipoipo atu Satini Mano i le tuafafine o le ali’i o Cheung Buns.

Na taua e Cheung Bun, o le feeseeseaiga e i le va o le ali’i o Cheung Buns matua ma lona afafine lea na fa’aipoipo atu ia Satini Mano. “E le i toe i ai lava ni o matou lagona le fiafia fa’asaga ia Evile i lea mataupu,” o Cheung Bun lea. “O lea ua toe fa’afoi atu le fanua i lo matou tama.”

Ae o le mea na tupu mai i le amataga o le vaiaso, e lagona lava o se mataupu i le va lava o i matou.” “Ua o’o atu i nisi tulaga lea mataupu ona ua ou lēlava lava onosai.”

Na taua e Cheung Bun, o lo’o ia mafaufau e fa’atau atu lana tamai ta’avale la’u pasese, ona e na te lagona, o le a tulituli masei lava ia e le to’alua o lona tuafafine. Na ia tu’uaia, ua umi tele ona taofia o ia ona o le tuai ona tu’uina atu o fa’amaumauga mo le lesitala ina ia faia i ai se fa’aiuga o le tatalaina mai o ia i tua. “E tatala mai lava a’u i le Aso Gafua,” o lana tala lea.

“Ae o le mea na tupu, e le i fa’amaonia mai lava i le taimi lea a’u fa’amatalaga, ma o le ala lea na ave ai loa a’u i Tafaigata, ma na ou i ai ai lava i o seia o’o lava i le aoauli o le aso na soso’o ai.

” O le fa’alavelave lea na mafua ai ona taofia le ali’i o Cheung Bun i le va’ava’aiga a leoleo, na tulai mai ina ua liliu lana ta’avale e pasia atu luma o le Mc Donald, e agai atu i le vaega e ta’amilo ai ta’avale. “O se vaega e liliu sa’oloto ai ta’avale, ma na ou faia lea tulaga ina ua poloka e le isi ta’avale la’u ta’avale ma ou alu atu ai loa i luma ma tu i le ituala lea na tu muamua ai le ta’avale lea,” o lana tala lea.

“Na avanoa lava le auala i le taimi lea, ma o le ala lea na liliu ai la’u ta’avale i lea vaega. Pe tusa i le 4-5 minute na paka ai lau ta’avale i le Plaza a le NPF, ae tu atu loa le ta’avale a Evile ma isi leoleo i luma atu o lau ta’avale.”

oti a le Komiti o Galuega, Felauaiga & Siosiomaga i le P.P.2011/2012 Nu. 60, Faamatalaga o Sini Autu a le Faalapotopotoga o le Malosi Faa-Eletise mo le Vaitaimi 2012 – 2014 & P.P.2011/2012 Nu. 92, Mai i le itulau 11 Na taua e le ali’i o Cheung Bun, na fesili atu le ali’i Satini o Mano ia te ia e uiga i le liliuina o lana ta’avale i moli fa’asinoala mo taa’vale.Na ia fai mai, e na te le tali atu i ai.

O le isi mea na ia iloa, na fai atu Satini Mano i le isi leoleo e ave atu le ta’avale a le ali’i o Cheung Bun i le ofisa o leoleo.Ina ua latou taunu’u atu i o, na fa’asino atu o ia i le isi leoleo mo le suesueina o ia.Na matuai le malie lava le to’alua o Cheung Bun, le tamaitai o Sina, ma ia talitonu, o le mea na tupu mai i lona to’alua e matuai le talafeagai lava ma lē amiotonu.”

Sa le tatau ona ia fa’aaoga lona togiga pe fa’aaoga sese lona paoa fa’a-leoleo e fai ai mataupu fa’a-leaiga. E matuai sese lava lea fa’aiuga.”

E le i manuia le taumafai fa’afia atu mo se fa’amatalaga mai i le Sui Komesina o Leoleo ma le So’oupu, Fauono Talalelei Tapu. Ina ua fa’afeso’otai atu le alii Satini o Mano mo se fa’amalatalaga, na ia tali mai, e i i ai fa’atinoga talafeagai i lea tulaga.

“O lea e i ai le matou so’oupu e mafai ona tali atu i na tu’uaiga,” o lana tala lea. Ae na ia te’ena ia tu’uaiga o lona fa’aaoga sese o lona paoa fa’a-leoleo e fai ai mataupu fa’a-leaiga.

“Pe o le tuagane lava o lo’u toalua, ae afai e na te solia le tulafono, ia o lea e fai lau galuega,” o lana tala lea. “Na taofia mai i le Aso Gafua mo le avetaavale le fa’aeteete ua mafua ai le le malilie o isi aveta’avale, ma e le mafai ona ou aumaia ni mataupu fa’a-leaiga i le galuega.”Na molia le ali’i o Cheung Bun i le aveta’avale le fa’autauta.

O Tualafono o Ta’avale –afi o Samoa 1960, e fa’apea, o le aveta’avale fa’atamala po’o le le faautauta, e pei o se tagata e aveta’avale le fa’aeteete, po’o se saoasaoa po’o se amio e le manuia i tagata lautele, e tu’uina atu i vaega o mataupu uma e aofia ai le amio, o le tulaga o le mea sese na fai, ma le fa’aaogaina o le auala ma le aofai o ta’avale na i ai tonu i lea taimi pe o ta’avale na maitauina na i ai i le auala, o le tagata na ia solia le tulafono ma e talafeagai tonu lava i ai ia moliaga i se fa’asalaga e le sili ae ma le 10 fa’asalaga po’o le falepuipui foi mo le lua tausaga.

Ae le’i tu’uina atu le mataupu i le Professional Standard Unit, na faalatalata atu le ulugali’i i le Samoa Victim Support mo se fesoasoani.