Ua fa’agasolo nei su’esu’ega a leoleo i le ata lea na pueina i se telefoni o lo’o maua mai se alii talavou o lo’o tatui ma takiki se isi alii talavou.
Na fa’amaonia mai e le Sui Komesina o Leoleo, Misa Talaimanu Keti ua maua uma ali’i talavou e to’atolu lea na a’afia i lenei ata.
“O lo’o faia matou su’esu’ega ae o le a maua uma atu fa’amatalaga taeao” o Talaimanu lea.
O lenei ata pe a ma le 1 minute ma le 20 sekone na pueina ai i totonu o se fa’atoaga. Na lafoina mai e le tina ia Joyce Tamasese i le Samoa Observer lenei ata ona o lona fa’anoanoa i lenei ata. Sa ia manao poo le a se mea ua tupu i le tamaitit lea na fasi. Ua fa’amaonia o lenei tamaititi e mai Leauvaa i le pitonuu o Uaealesi.
O le aso ananafi lea na oo atu ai Sui o le Samoa Observer i le aiga o lenei tamaititi ma fa’amaonia mai ai e le tina o le tama o lenei tama’ititi o lana tama sa maua mai lona ata i lenei video. Ua le mafai ona fa’ailoa le suafa o lenei alii ona o le laititi o ona tausaga.
“O le alii lea na fasi e nofo i Lepa” o lana tala lea, Ua uma fo’i ona ou talanoa i la’u tama anapo e aua nei toe tupu mai se mea fa’apea, ma tu’u le alu e tafao i tama matutua o le mafua’aga lea o le tupu mai o lenei mea” o lana tala lea.
Na saunoa lenei tina matua, ua uma foi ona fai ai i lenei alii e aua nei toe alu i se mea, nofo lelei i le fale ma fai feau. Ua fa’amalulu mai foi lenei tina matua ona o le tulaga ua faia e lana tama. Na fesiligia e le Samoa Observer le mafuaga na ia fa’atino ai lea tulaga, ae sa ia taua ua mafua ona ia fasia ona ua palauvale i lona tina.
google_ad_client = "ca-pub-9419815128221199";
/* samoa_observer.ws */
google_ad_slot = "5306335075";
google_ad_width = 336;
google_ad_height = 280;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}
“ Na fai le matou umu o lo’u tina na alu e sala mai ni tau ae palauvale ifo ai le ali’i lea ma tauai i ma’a” o lana tala. Na ou alu iai ae tamoe ese, ma tuli loa e le isi ona tausoga ma valaau mai ia te ia e alu atu e fasi.
O le taimi sa ia fasia ai lenei alii sa pue e le isi alii e 21 tausaga o le latou nuu, ma o ia foi lea na nofo ma tuu le ata i luga o le internet.
Na fa’amaonia mai foi e lenei alii o le isi ona tausoga sa tu’uina atu ia te ia se au o le la’au ta’amu lea sa ia sasaina ai le tino ma le ulu o lenei tamaititi.
“ O le ata na pue i le 2011” o lana tala lea, peitai na te le’o manatua le aso ma le masina. O alii uma ia na a’afia i le pueina o lenei ata, na taofia e leoleo.
“ Na momoli mai a’u e leoleo i le aso ananafi (Aso Lua) o lana tala lea. Sa ia fa’aalia o le taofia ai o ia e leoleo o se lesona lea mo ia. Sa ia fa’amaonia mai o le aso 30 o Ianuari o le a fai ai lona fa’amasinoga. Na saunoa foi lona tina matua ua uma ona fai i lana tama e le toe manao e toe tupu mai se mea fa’apea.
“ Ou te le toe manao e omai ni leoleo e avatu oe” o le saunoaga lea a le tina matua.
Ao faia lenei fa’atalanoaga na fa’alavelave atu le tuafafine o lona tama, fai mai e le manao e toe faia se lipoti a le au fa’asalalau e tusa ai o lenei mataupu.
“ Matou te le toe manano e faia se isi fa’amatalaga a le alii lea, afai tou te fia iloa se isi mea o i leoleo o la e avatu ai tamaiti ma fai latou fa’amatalaga, matou te le toe mananao lava e toe fai atu se tala i le mea na tupu”.
” O le tala lea a le tuafafine o le tama. O lenei alii talavou o lo’o aoga nei se tasi o Aoga Tulagalua i le afioaga o lo’o latou tuaoi. Na fai mai ua mae’a ona toe faia le fa’aleleiga ma le aiga o le tamaititi na a’afia.
“ O le aso lava lea na fasi ai le tamaititi ae o le po na omai ai ona matua i le matou aiga”.
O le taimi nei ua o ese le aiga o le tamaititi na a’afia ma ua agai atu i le afioaga o Lepa.
google_ad_client = "ca-pub-9419815128221199";
/* adsense_mainbody_banner */
google_ad_slot = "8546623614";
google_ad_width = 468;
google_ad_height = 60;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}