O le alii Samoa o le paga mamafa lea ua a’e mai o Joseph Parker ua na talia se vala’au e sipā ai ma le siamupini o le lalolagi o Wladimir Klitschko.
O le a fesoasoani Parker i le sau’ai Ukrain ma ana tapenaga mo le isi paga mo le siamupini i se togalauapi i Austria ia Aperila.
O Parker lea sa i Samoa mo aso malolo, ua na teena tusi vala’au e lua talu ai e galulue faatasi ma Klitschko ona o le le fetaui o le taimi ma ana fuafuaga.
O loo aafia Parker i le lisi i lalo a Klitschko i lona puipuiga o lana fusi e faasaga i le alii Samoa o Alex Leapai i Simani ia Aperila talu ai lea na faateleina ai le sootaga i le va o ia tama fusu e to’alua.
O e o loo faafoeina Parker, o le Duco Events, ua talitonu nei i lana fuafuaga mo le 2015 lea o le tulai mai ai se tomai masani e matua taua tele.
O le faia’oga o Parker o Kevin Barry ua na vaaia le tele o itu lelei e ala i le tuuina atu o lana tama fusu i totonu o le maea e koleni ai ma le siamupini.
“O le itu aupito i tele e faapea o le a tuuina mai ai ia i matou se faaaliga moni pe o fea o le a i ai Joe pe a uma le lua tausaga e avea ma tama fusu faa-polofesa,” o le faaaliga lea a Barry.
“Ma o le a tuuina mai ai ia i matou se fuafuaga moni pe o le a le tele o le galuega e ao ona fai e tauva ai i le tulaga aupito i maualuga.
“O se vaga o a’u fuafuaga mo le 2015 o le tuuina atu lea o Joe e galulue ma se tagata lapo’a toe umī ma e le mafai ona e maua se sau’ai e sili atu i lo o Wladimir Klitschko.”
O le a o’o mai le togalauapi e koleni ai pe a mae’a ona atatala e Parker lana tausaga i se fusuaga i le aso 5 o Mati ma se tagata Amerika o Jason Pettaway i Aukilani i Saute.
<!-- ads-articles(24.03.14) -->
<ins class="adsbygoogle"
style="display:inline-block;width:336px;height:280px"
data-ad-client="ca-pub-9419815128221199"
data-ad-slot="2395638412"></ins>
<script>
(adsbygoogle = window.adsbygoogle || []).push({});
</script>{/googleAds}
O lea alii e 34 tausaga le matua mai West.
Virginia o loo ia te ia se faamaumauga maoa’e o se tagata e faatautu’i talu lava ona avea ma tama fusu faa-polofesa i le 2005 e faaopoopo i le 130 fusuaga taatele.
O Pettaway ua 17 ona manumalo mai ana fusuaga e 18, faatasi ai ma le 10 manumalo i le tu’ioti.
O lona faia’ina e tasi mai le Rusia e agavale o Magomed Adbusalamov ina ua taofi le fusuaga i le taamilosaga lona fa.
O lea fusuaga ua fuafua mo le 10 taamilosaga mo le fusi o le WBO Oriental ma le WBA PABA a Parker o loo avanoa.
E talitonu Barry o Pettaway o se fili lelei lea e amata ai le isi tausaga pisi faatasi ai ma se taumafaiga ua fuafua e una’i ai i luga Parker i le lima pito i luga o le faatulagaga ma aga’i atu ai loa mo se lu’i i le fusi o le lalolagi.
O loo tulaga 10 Parker i le WBA ae 12 i le WBO.
“A e tilotilo lelei i ana fusuaga talu ai e 17, ona e iloa e malolosi lima e lua o Pettaway-o le mea lea- e le na o le lima e tasi e malosi e te faaeteete i ai,” o le faaaliga lea a Barry.
“E ese le faiga o lana fusu ua tu’u mai i luma o Joe ma o se mea taua lena. O le tele o a matou koleniga e aafia ai le faafetauiga o se tama fusu e fesolaa’I solo.
Ae ua matou faamoemoe e tuu atu o ia i nofoaga e le’i o’o i ai muamua.”.
O le a feiloa’i Parke ma Pettaway ma tusitala i Aukilani i le asō, ae ua uma ona tuuina mai e le alii Amerika lana tu’i muamua, fai mai e leai se mea e uiga i le alii Niu Sila lea e 22 tausaga e fefe ai.
“Sa ta’ua faatasi o ia ma Anthony Joshus e faapea o fetu fou ia ua a’e mai o lea vaega ae ua uma ona ma tilotilo lelei ma lo’u faia’oga i lana faiga ma ua iloa ai ona faaletonu, ia o le a ma faaaogaina. O le a ‘ou faailoa atu i le lalolagi le tatagi i totonu.
<!-- 336x280 (bottom-article) -->
<ins class="adsbygoogle"
style="display:inline-block;width:336px;height:280px"
data-ad-client="ca-pub-2469982834957525"
data-ad-slot="1033882026"></ins>
<script>
(adsbygoogle = window.adsbygoogle || []).push({});
</script>{/googleAds}