O “Perofeta ma Valoaga”, o le auga ma le fa’amoemoe lea o le valu aso na faatautaia ai le semina i Togafuafua i le vaiaso talu ai. Na faataunuuina lea i le Ekalesia Apia Harvest Centre Bible College, ma sa taitaia lea e le Faafeagaiga ma le Perofeta o Les Dowie ma lona faletua, ma le Faafeagaiga Lorraine Dowie mai Niu Sila.
O “Perofeta ma Valoaga”, o le auga ma le fa’amoemoe lea o le valu aso na faatautaia ai le semina i Togafuafua i le vaiaso talu ai.
Na faataunuuina lea i le Ekalesia Apia Harvest Centre Bible College, ma sa taitaia lea e le Faafeagaiga ma le Perofeta o Les Dowie ma lona faletua, ma le Faafeagaiga Lorraine Dowie mai Niu Sila.
O le vaega muamua o lenei semina, sa tatalaina lea i Ekalesia uma. Ae o aso e tolu sa faafeiloai atu ai Faafeagaiga o le Ekalesia Faapotopotoga a le Atua,mai Samoa ma Amerika Samoa.
O i latou na auai atu e aofia ai le Faafeagaiga i a George Mageo.
O Fa’afeagaiga i a Les ma Lorraine na soifua ae i Ausetalia ma na feola ae i le Ekalesia Pentecostal.
I le tausaga e 1974, na o latou faapea mai ai, na faasio tonu atu lava i laua e le Atua ina ia agai atu i Niu Sila i le nofoaga o loo aoaoina i le Christian Bible College i totonu o Ueligitone, lea na o atu ai ma faifeau o le Ekalesia i Hawkes Bay, ma Ueligitone, ae faapea ai foi i Aukilani.
O le Faafegaiga Les o se sui Taitai Sili o le Ekalesia Faapotopotoga a le Atua i Niu Sila mo le valu tausaga. Sa avea o ia ma sui o le Asosi o le Ekalesia Penetekoso i totonu o Niu Sila mo le 14 tausaga, ae o le ono o nei tausaga na avea ai o ia ma Failautusi.
O le Faafeagaiga Les Dowie na ia saunoa o tofiga ma galuega a se Perofeta o le Ekalesia, o se vaega Matagaluega poo Ekalesia tuai e lima, lea e mafai ona fa’atino ai i lima e mafai ona fa’ailoa mai ai le Ekalesia.
O se meaalofa foi lenei i le Ekalesia. I le tusi a Efeso, na fa’atatau i ai e Les e faapea na tuuina atu e Iesu perofeta o Ekalesia ma Aoao.
E pei lava o isi Ekalesia, o valoaga o loo i ai, o le fausia o se Ekalesia ma tuuina atu le viiga i le Atua.”
“Ae ui i lea, e masani lava ona leai se malamalama o le Tusi Paia e atugalu ai manatu, o mafua’aga ma galuega fa’atino o valoaga i totonu o Ekalesia.”
Saunoa Les Dowie e faapea o le faaiuga lenei o le fefe ma fa’afitauli, o le leai o se tomai, o le utiuti o lagona, ma le siitia o le manatu i na mea uma.
O le semina na faataunuuina aso e valu ua mavae, na matua auai uma ai sui o Ekalesia eseese.
O se fa’amoemoe o le a faaiuina i se sauniga mulimuli e faatautaia lea i le Apia Harvest Centre Church i le aso ananafi, lea na amataina i le itula e 9.30 i le taeao.