Manuia lou 90 tausaga Taefu

O le aualia o le 90 tausaga o le tama ia Taefu Li’a o se isi la’asaga taua lea mo lona olaga. O le aso Sa 16 Fepuari 2014 na fa’ailoga ai le aso fiafia o lenei tama matua i Uelinitone i Niu Sila. Na fa’aalia e le fanau le agaga fiafia ma le fa’afetai i le Atua ona o le ola ma le malosi uma lava ua fa’afualoa ai le soifua o le Tamā.

O le aualia o le 90 tausaga o le tama ia Taefu Li’a o se isi la’asaga taua lea mo lona olaga. O le aso Sa 16 Fepuari 2014 na fa’ailoga ai le aso fiafia o lenei tama matua i Uelinitone i Niu Sila.

Na fa’aalia e le fanau le agaga fiafia ma le fa’afetai i le Atua ona o le ola ma le malosi uma lava ua fa’afualoa ai le soifua o le Tamā.

Na soifua mai Taefu Li’a i Siufaga i Falelatai ile aso 11 Fepuari 1924,ma faaipoipo atu ia Filomena Tauinaola Iosefo o Nofoalii E viia ai le maualuga ole alofa ole Atua Silisil iese auā o Ia e toatasi e ona le ola male malosi uma lava, ua Ia faafualoa ai le soifua ole tamā.

Na ta’ua e fa’apea , o le tele ole soifuaga ole Tamā sa ia Tausi Aiga i Nofofalii, o se tamā galue malosi male Tautua faamaoni ile aiga male nuu, ma ose Tama foi e alofagia e tagata. Na maliu le tinā o le Aiga ia Filomena ile tausaga e 1980, ae na faamanuiaina i laua i ni alo se toa 6, ona malaga mai lea o ia i Niu Sila i le masina o Aukuso tausaga 1989.

E toa 18 fanau a fanau (grand-children) ae 11 fanau a latou fanau (great grand-children). Na ta’ua e fa’apea o se fa’atasiga matagofie lea aso i le faatumulia ile au valaaulia uo ma e masani ae maise aiga ua leva tausaga e lei toe feiloai.

Sa momoli le faafetai a le fanau i le susuga ia Pastor.Jo Tesese o Ueligitone le na ta’ita’ia le sauniga ,Pastor Aukuso Vaimoli mai aukilani, Rev. Ron.Lauese maiAaukilani, male susuga i le Fesoasoani ia Paulo Savaiinaea mai Lower Hutt, ae maise le mamalu o Samoa na auai, i le tele o la outou foai mole Tama ia Taefu Lia Avaava.

Taefu “Ia toe faatutumu e le Atua ole e ou le manuia , mea uma ua faagaogaoina ona o la outou foai mole Tama. Ole tatalo ia faaopoopo pea ele Atua nisi tausaga se tele mole Tama ma ia saga viia ai pea lona suafa paia” o le fa’aaliga lea a le fanau. Manuia tele lou aso soifua.